17:21 - 3.07.2023

---

3 iyul, Fineko/abc.az. ABŞ-ın tanınmış “Apple Inc” şirkətinin kapitallaşması hərracların bağlanışında 2,3% artıb.

ABC.AZ xarici mətbuata istinadən xəbər verir ki, sözügedən dövrdə şirkətin kapitallaşması 3,05 trilyon dollar təşkil edib.

Bununla da “Apple” dünyada bazar dəyəri 3 trilyon dolları keçən ilk açıq şirkət olub.

Şirkətin kapitallaşması bu il yanvarın 3-də ticarət zamanı 3 trilyon dollara yüksəlib. Lakin həmin gün bu səviyyədə qala bilməyib, sessiyanın sonuna qədər aşağı düşüb.

Şirkət 2020-ci ildə 2 trilyon dollar, 2018-ci ildə isə 1 trilyon dolları keçib.