16:57 - 13.06.2023

---

13 iyun, Fineko/abc.az. Bu ilin yanvar-may aylarında Azərbaycanın dövlət büdcəsinin gəlirləri 13 milyard 961 milyon manat, xərcləri isə 11 milyard 142,4 milyon manat təşkil edib.

Dövlət Statistika Komitəsindən ABC.AZ-a daxil olan məlumata görə, bunlar, ötən ilin eyni dövrü ilə müqayisədə müvafiq olaraq 12,2 % və 6,6 % çoxdur.

Son nəticədə büdcədə 2 milyard 818,6 milyon manat qalıq yaranıb ki, bu da 1 il əvvələ nisbətən 41,5 % çoxdur.