10:14 - 7.04.2023

---

7 aprel, Fineko/abc.az. “Microsoft” korporasiyası Rusiyaya qarşı da daxil olmaqla sanksiyaları pozduğuna görə cərimələnib.

ABC.AZ xarici mətbuata istinadən xəbər verir ki, şirkət sözügedən məsələyə görə, 3 milyon dollar ödəyəcək.

Bu barədə Xarici Aktivlərə Nəzarət İdarəsinin (ABŞ Maliyyə Nazirliyi yanında) yaydığı məlumatda deyilir.

Departamentin məlumatına görə, “Microsoft” öz məhsullarının Krımda istifadəsinə icazə verməklə ABŞ-ın Rusiya Federasiyasına qarşı sanksiyalarını pozub. Qeyd olunur ki, pozuntular “bloklanmış Rusiya hüquqi və ya fiziki şəxsləri” ilə bağlı olub.

Müəllif: Elmir Murad