Yanvar-fevral aylarında Azərbaycanın ÜDM-i 0,4% artıb

15:22 - 14.03.2023

14 mart, Fineko/abc.az. Bu ilin yanvar-fevral aylarında Azərbaycanda 19 812,5 milyon manatlıq ümumi daxili məhsul (ÜDM) istehsal olunub.

ABC.AZ Dövlət Statistika Komitəsinə istinadən xəbər verir ki, bu ötən ilin eyni dövrü ilə müqayisədə 0,4% çoxdur.

Dövlət Statistika Komitəsi xəbər verir ki, son 1 ildə iqtisadiyyatın neft-qaz sektorunda əlavə dəyər 3,6 % azalıb, qeyri neft-qaz sektorunda isə 4,6 % artıb.

ÜDM istehsalının 50,3 %-i sənaye, 8,9 %-i ticarət; nəqliyyat vasitələrinin təmiri, 5,3 %-i nəqliyyat və anbar təsərrüfatı, 3,8 %-i tikinti, 2,5 %-i kənd təsərrüfatı, meşə təsərrüfatı və balıqçılıq, 1,8 %-i turistlərin yerləşdirilməsi və ictimai iaşə, 1,5 %-i informasiya və rabitə sahələrinin, 16,9 %-i digər sahələrin payına düşüb, məhsula və idxala xalis vergilər ÜDM-in 9 %-ni təşkil edib.

İl ərzində ölkədə adaşmbaşına düşən ÜDM-in dəyəri 2,4 % artaraq 1 956 manat olub.