14:36 - 14.12.2022

---

14 dekabr, Fineko/abc.az. “Hazırda özəl sektor Azərbaycanda ÜDM-in 85% formalaşmasında iştirak edir ki, bu da kifayət qədər böyük rəqəmdir”. 

ABC.AZ xəbər verir ki, bunu deputat Tahir Mirkişili yerli mətbuata açıqlamasında bildirib.

O sözlərinə belə davam edib: “Nəzərə alsaq ki, Azərbaycan neft-qazla zəngin ölkədir və neft-qaz dövlətin mülkiyyətində olan iqtisadi sahədir. Bunu nəzərə alsaq, özəl sektorun 85%-ə qədər çatması düşünürəm ki, Azərbaycanda sahibkarlığa göstərilən dəstəyin, həm də yaradılan imkan nəticəsində olub”.

Tahir Mirkişili qeyd edib ki, Azərbaycanda hazırda 1 milyon 168 min sahibkar var. Onların 250 mindən çoxu qadın sahibkarlardır: “Azərbaycanda iri sahibkarlar arasında təəssüf ki, qadın sahibkarlar yoxdur. Orta sahibkarların təxminən 8%-i, kiçik sahibkarların da təxminən 16%-i, mikrosahibkarların 25%-i isə qadın sahibkarlardır. Bu gün işğaldan azad olunan ərazilərdə işləmək üçün müraciət edən sahibkarlardan 50-i qadın sahibkarlardır”.