11:52 - 24.10.2022

---

24 oktyabr, Fineko/abc.az. Hollandiyanın tibbi cihazlar istehsalçısı "Philips" təşkilati strukturunu optimallaşdırmaq məqsədilə təxminən 4000 işçini ixtisar etməyi planlaşdırır.

İxtisar ötən il 78 000 nəfər təşkil edən şirkətin işçilərinin 5%-dən bir qədər çoxunu əhatə edəcək.

ABC.AZ xəbər verir ki, bu barədə Şirkətin baş direktoru Roy Jacobs açıqlama verib.

O qeyd edib ki, tibbi məhsulların geniş miqyasda geri çağırılması "Philips"in bazar dəyərinin son bir ildə təxminən 70% azalmasına səbəb olub. Bu, oktyabrın əvvəlində vəzifəyə başlayan yeni təyin olunmuş Jacobs-un ilk qərarıdır.

"Philips" üçüncü rübdə faiz, vergi amortizasiyadan əvvəl mənfəətinin (EBITA) 60% azalaraq 209 milyon avroya düşdüyünü açıqlayıb.

Philipsdən bildirilib ki, tədarük çatışmazlığı problemləri gözlənildiyindən qat-qat pisdir və 2022-ci ilin son aylarında satışları ağırlaşdırmağa davam edəcək.