10:39 - 20.10.2022

---

20 oktyabr, Fineko/abc.az. "Bakı Metropoliteni" QSC-nin Rusiyanın “Transmaşholdinq” SC-nin tərkibinə daxil olan “Metrovaqonmaş” müəssisəsindən aldığı 2 yeni qatar Azərbaycan paytaxtına çatıb.

ABC.AZ xəbər verir ki, bunu Report-a səhmdar cəmiyyətinin mətbuat xidmətinin rəhbəri Bəxtiyar Məmmədov bildirib.

"Ötən ay göndərilmiş 2 qatar (10 vaqon) artıq Nərimanov elektrik deposundadır. Müqavilə şərtlərinə uyğun olaraq, digər 2 qatarın da ilin sonuna qədər Azərbaycana gətirilməsi planlaşdırılır", - deyə o qeyd edib.

Yeni qatarların Həzi Aslanov-Dərnəgül xəttinə buraxılması gözlənilir.

Xatırladaq ki, 2019-cu ildə bağlanmış müqaviləyə əsasən Bakı metrosu 2020-2022-ci illərdə Rusiyadan ümumilikdə 12 qatar (60 vaqon) almalıdır.