14:06 - 17.10.2022

---

17 oktyabr, Fineko/abc.az. Xəbər verdiyimiz kimi Dövlət Statistika Komitəsi yanvar-avqust ayları üçün orta aylıq maaşın miqdarını açıqlayıb.

ABC.AZ xəbər verir ki, 2022-ci il oktyabrın 1-i vəziyyətinə ilkin məlumatlara əsasən iqtisadi fəal əhalinin sayı 5 milyon 351,3 min nəfər olmuş, onlardan 5 milyon 49,2 min nəfərini məşğul əhali, 302,1 min nəfərini (5,6%-ni) işsiz əhali təşkil edib.

Cari il sentyabrın 1-i vəziyyətinə muzdla çalışan işçilərin sayı 1 milyon 714,5 min nəfər, o cümlədən iqtisadiyyatın dövlət sektorunda 894,5 min nəfər, qeyri-dövlət sektorunda isə 820 min nəfər təşkil edib. İqtisadiyyatın neft-qaz sektorunda 31,5 min nəfər, qeyri neft-qaz sektorunda isə 1 milyon 683 min nəfər çalışıb.