10:45 - 17.10.2022

---

17 oktyabr, Fineko/abc.az. Kredit araşdırma agentliyi Tokyo Shoko Research (TSR) 6 aylıq müddətdə müflis olan Yaponiya şirkətlərinin sayını və onların səbəblərini araşdırıb.

ABC.AZ agentliyin hesabatına istinadən xəbər verir ki, Yaponiyada 2022-ci maliyyə ilin aprel-sentyabr dövründə iflas edən şirkətlərin sayı əvvəlki ilin eyni dövrü ilə müqayisədə 6,9% artıb.

Ölkə daxilində 3 min 141 şirkətin müflis olduğunu elan edən hesabata görə, son 3 ildə ilk dəfə müflis olan şirkətlərin sayı artıb.

6 aylıq dövrdə iflas edən şirkətlərin ümumi borcu isə 1,74 trilyon yen (11,7 milyard dollar) təşkil edib.

Yanacağın yüksək qiymətləri nəticəsində nəqliyyat sektorunda müflisləşmə faktlarının sayı 42 faiz artaraq 162-yə çatıb.