11:03 - 11.10.2022

---

11 oktyabr, Fineko/abc.az. Dövlət Gömrük Komitəsinin (DGK) sabiq sədri, general-polkovnik Səfər Mehdiyevin özünə və ailəsinə yaxın şirkətlər bağlanıb.

ABC.AZ Qaynarinfo-ya istinadən xəbər verir ki, artıq Səfər Mehdiyevin yaxınlarının adına olan şirkətlər də onların adından çıxarılaraq başqa şəxslərin adına keçirilib. Bəzi şirkətlərdə isə təhvil-təslim işləri aparılır.

Belə şirkətlərdən biri Səfər Mehdiyev tərəfindən yaradılmış "Vadi-4" MMC-dir. Bu şirkət gömrükdə xüsusi imtiyazlara sahib olub. "Vadi-4" karqo daşımaçılıq şirkətidir.

Bu karqo şirkəti məhsulları daha sürətlə gömrükdən keçirə bilib.

"Vadi-4” çuvalları (bir çuvalda 70 bağlama olur) heç bir maneə olmadan daxili anbarlara çatdırır və bir gün sonra müştəriyə təhvil verirmiş. MMC-nin qanuni təmsilçisi Cəfərov Nəsir Məhərrəm oğlu olub. Bu şəxs Səfər Mehdiyevin həmkəndlisi, Naxçıvanın Babək rayonu Nehrəm kəndinin sakini və generalın yaxın qohumudur.