11:40 - 22.04.2022

---

22 aprel, Fineko/abc.az. Bu ilin mart ayında Azərbaycanda “Linkedin” sosial şəbəkə istifadəçilərinin sayı fevral ayı ilə müqayisədə 1,8% və ya 10 min nəfərədək artıb.

ABC.AZ-ın məlumatına görə, aprelin 1-i tarixinə ölkə üzrə 572,1 min nəfər aktiv “Linkedin” istifadəçisi qeydə alınıb. Bu da ölkə əhalisinin 5,6%-ni təşkil edir.

Ötən ilin eyni dövrünün göstəricisi ilə müqayisədə “Linkedin” istifadəçilərinin sayı 19,3% və ya 92,8 min nəfər artıb.

“Linkedin”in ən böyük istifadəçi qrupu 25-34 yaş arası insanlardan (330 min) ibarət olub ki, bu da ölkə üzrə bu şəbəkənin ümumi istifadəçilərin sayının 57,7%-ni təşkil edib.