14:00 - 17.03.2022

---

17 mart, Fineko/abc.az. "AzerGold” QSC-nin strateji planına əsasən, yeni “Greenfield” layihələri ilə yanaşı, 2022-ci ildən 2029-cu ilədək 4 qızıl, 1 polimetal, 3 mis və 2 dəmir filizi yatağı olmaqla, ümumilikdə 10 yatağın istismara verilməsi hədəflənir.

ABC.AZ-ın məlumatına görə, bunu "AzerGold" QSC-nin İdarə Heyətinin sədr müavini Xəyyam Fərzəliyev kitab təqdimatında bildirib.

O qeyd edib ki, bir neçə perspektiv sahədə kəşfiyyat və tədqiqat işləri plan üzrə icra edilir: "Cəmiyyət tərəfindən fəaliyyət dövrü ərzində, ümumilikdə 240 min metrə yaxın buruq-qazma işləri görülüb​ ki, bu da ölkənin dağ-mədən sənayesi üzrə yüksək göstərici hesab olunur. 2017-ci ildə Cəmiyyətin 179 min qızıl ekvivalentində unsiya olaraq hesablanmış metal ehtiyatları 4,4 milyon qızıl ekvivalentində unsiya qədər, yəni 24 dəfə artırılıb".