11:14 - 25.02.2022

---

25 fevral, Fineko/abc.az. Xəbər verdiyimiz kimi Bakıda "İnklüziv və davamlı inkişaf üçün vergi islahatları: rəqəmsal transformasiya ilə könüllü əməletməyə doğru" mövzusunda sahibkarların iştirakı ilə Forum keçirilib.

ABC.AZ-ın məlumatına görə, Forumda çıxış edən iqtisadiyyat naziri Mikayıl Cabbarov 2022-ci və qarşıdakı dörd il Azərbaycan iqtisadiyyatının yeni strateji inkişaf mərhələsi olacağını bildirib.

O qeyd edib ki, bununla bağlı "Azərbaycan 2030: sosial-iqtisadi inkişafa dair Milli Prioritetlər"inə uyğun olaraq hazırda ölkənin ortamüddətli sosial-iqtisadi inkişafının prioritetlərini müəyyənləşdirən və tədbirlər planını əhatə edən sənəd hazırlanır.