15:50 - 23.02.2022

---

23 fevral, Fineko/abc.az. Yanvarda Avrozonanın 19 ölkəsində illik inflyasiya bir ay əvvəlki 5%-dən 5,1%-dək sürətlənib.

ABC.AZ Apa-ya istinadən xəbər verir ki,  bu barədə Avropa Statistika Agentliyinin ("Eurostat") məlumatına deyilir.

Qeyd olunur ki, bu, "Eurostat"ın apardığı müşahidələr dövrünün ən yüksək göstəricisidir. Bir il əvvəl Avrozonada inflyasiya cəmi 0,9%-ə bərabər olub.

Təkcə bu ilin yanvarında Avrozonada istehlak qiymətləri yekun hesablamaya görə 0,3% artıb. Bununla belə, illik baza inflyasiyası bir ay əvvəlki 2,6%-dən 2,3%-dək azalıb.