14:28 - 21.02.2022

---

21 fevral, Fineko/abc.az. Kiçik və Orta Biznesin İnkişafı Agentliyi (KOBİA) Azərbaycana xarici biznesin cəlb olunmasında maraqlıdır və zəruri köməyi göstərməyə hazırdır.

ABC.AZ-ın məlumatına görə, bunu KOBİA-nın İdarə heyətinin sədri Orxan Məmmədov Bakıda "Azərbaycan-Udmurtiya" biznes forumu zamanı deyib.

O.Məmmədov Rusiya Federasiyasının regionları ilə işgüzar əlaqələrin inkişaf etdiyini, Udmurtiya ilə də əməkdaşlıq imkanlarının genişləndirilməsi üçün potensialın olduğunu bildirib.

"Agentliyimiz Rusiyanın profil strukturları ilə dövlət müəssisələri, eləcə də birbaşa biznes ictimaiyyəti səviyyəsində əlaqələrin genişləndirilməsinə böyük əhəmiyyət verir", - deyə o bildirib.