14:22 - 14.02.2022

---

14 fevral, Fineko/abc.az. 2022-ci ilin yanvar ayında Azərbaycanda 9 257,6 mln. manatlıq ümumi daxili məhsul (ÜDM) istehsal olunub.

Dövlət Statistika Komitəsindən ABC.AZ-a verilən məlumata görə, bu əvvəlki ilin eyni dövrü ilə müqayisədə 5,8% çoxdur.

Sözügedən dövrdə iqtisadiyyatın neft-qaz sektorunda əlavə dəyər 0,6%, qeyri neft-qaz sektorunda isə 8,8% artıb.

Qeyd edək ki, bəhs olunan dövrdə ÜDM istehsalının 54,4%-i sənaye, 8,4%-i ticarət; nəqliyyat vasitələrinin təmiri, 6,6%-i nəqliyyat və anbar təsərrüfatı, 3,0%-i tikinti, 2,4%-i kənd təsərrüfatı, meşə təsərrüfatı və balıqçılıq, 1,4%-i informasiya və rabitə, 1%-i turistlərin yerləşdirilməsi və ictimai iaşə sahələrinin, 15,6%-i digər sahələrin payına düşmüş, məhsula və idxala xalis vergilər ÜDM-in 7,2%-ini təşkil edib.

Əhalinin hər nəfərinə düşən ÜDM 922,2 manata bərabər olub.