15:36 - 9.02.2022

---

9 fevral, Fineko/abc.az. 2021-ci ildə Ukraynanın ümumi daxili məhsulunun (ÜDM) artımı 3,2% təşkil edib.

ABC.AZ xəbər verir ki, bu barədə Ukrayna İqtisadiyyat nazirliyindən bildirilib.

“2021-ci ildə Ukraynanın ÜDM-i 3,2% artıb. Dollar ilə ifadədə ÜDM keçən il tarixi maksimuma çatıb və təxminən 200 milyard dollar təşkil edib”, - deyə nazirlikdən bildirilib.

Dövlət Statistika Xidmətinin məlumatına görə, 2021-ci ilin son rübündə əvvəlki rüblə müqayisədə Ukraynanın ÜDM-i 0,7% azalıb, 2020-ci ilin eyni dövrü ilə müqayisədə 5,9% artıb.