11:14 - 7.02.2022

---

7 fevral, Fineko/abc.az. "AzerGold"un qarşıdakı əsas hədəfləri məlum olub.

ABC.AZ-ın məlumatına görə, "AzerGold 5 il" adlı yeni dərgidə şirkətin 2035-ci ilə qədər illik dövriyyəsi 1 milyard dollar olan regional miqyasda irihəcmli dağ-mədən kompaniyasl olmağı hədəfləyib.

Bununla yanaşı 2025-ci ildən etibarən əlvan metal layihələrinin icrası üzrə dövlət büdcəsindən asılılığı tam aradan qaldırmağı hədəfləyib. Həmçinin, ən böyük qeyri-neft sənayesi şirkətlərindən və işəgötürənlərdən, habelə ən iri vergi ödəyicilərindən birinə çevrilmək şirkətin məqsədlərindəndir.

"Dağ-mədən sənayesinin yan sahələrinin və zərgərlik sənayesinin innovativ tətbiqlərlə inkişaf etdirilməsinə töfhələr vermək, əsas bazar Azərbaycan olmaqla qonşu ölkələrə genişlənmə potensialını inkişaf etdirmək" şirkətin qarşıdakı illərdə əsas hədəflərindən olacaq.

Müəllif: Elmir Murad