17:18 - 10.04.2018

---

10 aprel, Fineko/abc.az. Azərbaycan Maliyyə Nazirliyi bu gün Bakı Fond Birjası (BFB) vasitəsi ilə dövlət ortamüddətli istiqrazları (DOİ) tam reallaşdırdı.

BFB-in məlumatına əsasən,  AZ0105006693 ISIN-li, 30 mln. manat həcmində, 728 gün tədavül müddətli və 8% dərəcəli DOİ-in buraxılışı yerləşdirilmişdir.

10 investordan 21 sifariş daxil olmuşdur. Sifarişlər, bir istiqraza 93,0697 AZN-dən (illik gəlirlilik 12,0%) 100,0363 AZN-ə qədər (7,98%) qiymət intervalında təqdim edilmişdir.

Maliyyə Nazirliyinin qərarına əsasən, istiqrazların kəsmə qiyməti 100,00 AZN (gəlirlilik 8,0%), orta ölçülmüş qiymət isə – 100,0029 AZN (7,9984%) səviyyəsində müəyyən edilmişdir.

Ortamüddətli  istiqrazlar, sifarişlərin ümumi məbləği 107 743,6 min manat olmaqla, 30 milyon manat həcmində yerləşdirilmişdir.