14:08 - 8.09.2021

---

8 sentyabr, Fineko/abc.az. Bu ilin yanvar-iyun aylarında Azərbaycan əhalisi pərakəndə ticarət şəbəkəsində 5,409 mln. manat dəyərində şərab alıb.

ABC.AZ Dövlət Statistika Komitəsinə istinadən xəbər verir ki, bu, 2020-ci ilin eyni dövrü ilə müqayisədə 11,1% azalma deməkdir.

Təkcə cari ilin II rübündə əhali şəraba 2,707 mln. manat xərcləyib. Bu, illik müqayisədə 1,5%, rüblük müqayisədə isə 0,2% çoxdur.

Qeyd edək ki, 2021-ci ilin ilk yarısında Azərbaycanda 334,2 min dekalitr üzüm şərabı istehsal olunub. Bu da illik müqayisədə 3,1 dəfə çoxdur.