16:02 - 18.05.2021

---

18 may, Fineko/abc.az. 2020-ci ildə Rusiyadan Azərbaycana fiziki şəxslərin pul köçürmələrinin həcmi 901 mln. ABŞ dolları (1,531 mlrd. manat) təşkil edib.

ABC.AZ Apa-ya istinadən xəbər verir ki, Rusiya Mərkəzi Bankının məlumatlarına görə, bu, 2019-cu illə müqayisədə 9,8% azdır.

Hesabat ilində bir köçürmənin orta məbləği 341 dollar təşkil edib.

Azərbaycana yönələn transfertlərin 81%-i Rusiya rezidentləri tərəfindən göndərilib.

Qeyd edək ki, ümumi pul köçürmələrinin 33,1%-i ödəniş sistemləri vasitəsilə həyata keçirilib. Rusiyanın MDB ölkələrinə pul trasnfertləri siyahısında Azərbaycan dördüncüdür, lider isə Özbəkistandır (4,420 mlrd. dollar).