17:22 - 23.12.2020
23 dekabr, Fineko/abc.az. Biz daxili bazarımızı vətəndaşlarımıza, kiçik investorlara, o cümlədən xarici investorlara təhlükəsizlik şərtlərlə açmağa yönələcəyik.
ABC.AZ-ın məlumatına görə, bunu Milli Məclisin İqtisadiyyat, sənaye və sahibkarlıq komitəsinin 2021-ci il büdcə zərfi ilə bağlı keçirilən iclasında Mərkəzi Bankının sədri Elman Rüstəmov deyib.
O qeyd edib ki, biz indi büdcənin yığcamlaşdırılmasına getsək, ciddi makroiqtisadi risklər yaradarıq.
"Ölkənin maliyyə buferinin dəstəklənməsi üçün Azərbaycan hökuməti çox ciddi və düşünülmüş iqtisadi manevrlər edir. Mövcud ehtiyatlardan istifadə edilir, makroiqtisadi sabitlik təmin olunur. İqtisadi subyektlərə, əhaliyə genişmasştablı yardım göstərilir. Bu siyasətdən çıxış strategiyası da olmalıdır. Amma ilk olaraq bunun üçün şərtlər yetişməlidir. Əgər pandemiya ilə bağlı vəziyyət aradan qaldırılsa, biz 2022-ci ilin büdcəsində vəziyyətdən çıxış strategiyası hazırlayacağıq” deyə E.Rüstəmov bildirib.
