17:28 - 8.10.2020
8 oktyabr, Fineko/abc.az. Dünya Bankı (DB) bu il Azərbaycanın tədiyə balansının cari əməliyyatlar hesabının kəsirinin ÜDM-ə nisbətinin 0,7% təşkil edəcəyini proqnozlaşdırır.
ABC.AZ apa-ya istinadən xəbər verir ki, DB-nın Avropa və Mərkəzi Asiya üzrə dərc etdiyi yenilənmiş hesabatına görə, ölkənin cari əməliyyatlar hesabı gələn il profisitə dönəcək və ÜDM-in 1,6%-ni təşkil edəcək.
DB-in 2022-ci il üçün bu göstərici üzrə proqnoz 4,7%-ə bərabərdir. Builki kəsirin əsas səbəbi neft ixracının həcmlərinin aşağı olması göstərilir. Bank qeyd edir ki, tədiyə balansının maliyyə hesabına təzyiqin bu ilin sonuna azalacağı gözlənilir və tədiyə balansının ümumi kəsirinin ÜDM-in 1,4%-ni təşkil edəcəyi proqnozlaşdırılır. 2019-cu ildə tədiyə balansının ümumi profisitinin ÜDM-ə nisbəti 10,7% təşkil edib, 2020-ci ilin ilk yarısında isə profisit kəsirə çevrilərək ÜDM-in 2,8%-nə bərabər olub.
