16:47 - 22.07.2020

---

22 iyul, Fineko/abc.az. 2020-ci ilin yanvar-iyun aylarında Azərbaycanda 873 ədəd minik avtomobili istehsal edilib.

ABC.AZ trend-ə istinadən xəbər verir ki, bu ötən ilin müvafiq dövrü ilə müqayisədə 239 ədəd azdır.

Ümumilikdə qeyd olunan müddət ərzində maşın və avadanlıqların, digər nəqliyyat vasitələrinin, avtomobil, qoşqu və yarımqoşquların istehsalı sahələrində 146,2 milyon manatlıq məhsul istehsal edilib.

Əvvəlki ilin müvafiq dövrü ilə müqayisədə avtomobil, qoşqu və yarımqoşquların istehsalı 96,1 faiz, digər nəqliyyat vasitələrinin istehsalı 57,2 faiz, maşın və avadanlıqların istehsalı isə 16,2 faiz artıb.