10:25 - 20.04.2020

---

20 aprel, Fineko/abc.az. WTI markalı neftin may fyuçersləri 20%-dən çox düşərək, 1999-cu ildən etibarən ilk dəfə bazar ertəsi sessiyasında bir barelə $15-dən aşağı düşüb. Eyni zamanda Brent nefti bazar ertəsi günü 1%-dən çox azalır.

Saat 9:20-də London ICE Futures birjasında, Brent neftinin iyun ayı üçün fyuçers qiyməti $0,52 (1,85%) azalaraq bir barelə $27,56 təşkil etdi.

Aprelin 17-də ICE Futures birjasında keçirilən hərracların nəticələrinə görə, Brentin iyun ayının fyuçersi $0,26 (0,93%) yüksələrək bir barelə $28,08 təşkil edib.

Saat 9:20-də Nyu-York əmtəə birjasında (NYMEX) WTI-nin may ayına olan fyuçersi $3,37 (18,45%) düşərək bir barelə $14,90 təşkil edib.

Aprelin 17-də NYMEX birjasında keçirilən ticarətin nəticələrinə görə, WTI neftinin may fyuçersi $1,60 (8,05%) düşərək bir barelə $18,27 təşkil edib.

Neftin qiymətinin düşməsi neft hasil edən ölkələrin hasilatın 10%-dən çox azaldılması ilə bağlı elan etdikləri sövdələşməyə baxmayaraq, davam edir. Pandemiyaya görə tələbatın gündə 20-30 milyon barel (b/s) azalması fonunda 9,7 milyon b/s-də azalma qeyri-kafi görünür. Əsas ölkələrdə karantin məhdudiyyətlərinin götürülməsi bazarı dəstəkləyə bilər.