12:13 - 13.10.2026

---

13 Oktyabr, Fineko/abc.az. Azərbaycan Respublikasının Prezidenti İlham Əliyev Laos Xalq Demokratik Respublikasının Prezidenti Thonqlun Sisulit ilə mətbuata bəyanatında iki ölkə arasında siyasi və ikitərəfli münasibətlərin dinamik inkişaf etdiyini vurğulayıb. Dövlət başçısı keçirilən təkbətək və geniş tərkibli görüşlərdə bir çox önəmli məsələlərin müzakirə olunduğunu bildirib.

"Əminəm ki, bu səfər ikitərəfli münasibətlərimizə çox müsbət təsir göstərəcək və ikitərəfli əməkdaşlıq daha da dərinləşəcək. Otuz ildən çoxdur ki, aramızda diplomatik əlaqələr qurulmuşdur və bu illər ərzində bir çox beynəlxalq təşkilatlar çərçivəsində biz hər zaman həmrəylik və qarşılıqlı dəstək göstəririk. Bu, bu gün də belədir və əminəm ki, bundan sonra da belə olacaq", — deyə Prezident İlham Əliyev qeyd edib.