10:08 - 5.10.2026
5 oktyabr, Fineko/abc.az. 2026-cı ilin avqust ayının sonuna olan rəsmi statistikaya əsasən, real sektorun inşaat və tikinti sektoruna yönəldilən cəmi kredit portfeli (bank və qeyri-bank kredit təşkilatları üzrə) 2 milyard 619,7 milyon manat təşkil edib.
Azərbaycan Mərkəzi Bankının məlumatına görə, cari ilin iyul ayında bu sektora ayrılmış cəmi kreditlərin həcmi 2 milyard 561,4 milyon manat (2 milyard 106,6 milyon manat bank, 454,8 milyon manat qeyri-bank) olduğu halda, avqust ayında portfel 58,3 milyon manat və ya 2.3% artaraq müvafiq göstəriciyə çatıb.
Avqust ayının yekunlarına görə, qeyd olunan həcmin 2 milyard 164,9 milyon manatı bankların, 454,8 milyon manatı isə qeyri-bank kredit təşkilatlarının payına düşüb.
Ötən ilin müvafiq dövrü ilə müqayisədə də sektorda əhəmiyyətli artım müşahidə olunub. Belə ki, 2025-ci ilin avqust ayının sonunda inşaat və tikinti sektoruna ayrılan cəmi kredit portfeli 1 milyard 814,6 milyon manat (1 milyard 209,7 milyon manat bank, 604,9 milyon manat qeyri-bank) səviyyəsində idi ki, bu da son bir il ərzində 805,1 milyon manatlıq və ya 44.4%-lik artım deməkdir.
İllik dinamikada əsas yüksəliş bank kreditləri hesabına baş verib; bankların tikinti sektoruna ayırdığı vəsait 1 milyard 209,7 milyon manatdan 2 milyard 164,9 milyon manata yüksəldiyi halda, qeyri-bank kredit təşkilatlarının portfeli 604,9 milyon manatdan 454,8 milyon manata geriləyib.
20 Noyabr 2026
20 Noyabr 2026
20 Noyabr 2026
20 Noyabr 2026
20 Noyabr 2026
20 Noyabr 2026
20 Noyabr 2026
20 Noyabr 2026
20 Noyabr 2026
20 Noyabr 2026