12:20 - 7.09.2026

---

7 sentyabr, Fineko/abc.az. 2026-cı ilin yanvar-avqust ayları ərzində dövlət büdcəsindən fiziki və hüquqi şəxslərə ümumilikdə 224 milyon 195.4 min manat məbləğində vəsait geri qaytarılıb. Bu barədə Maliyyə Nazirliyi məlumat yayıb.

Büdcədən geri qaytarılan vəsaitlərin tərkibi aşağıdakı istiqamətləri əhatə edib:

ƏDV qaytarılması: Fiziki şəxslərin pərakəndə ticarət, ictimai iaşə, mədəniyyət (teatr, kino, muzey, konsert) və tibbi xidmətlər üzrə ödədikləri ƏDV hissəsi, habelə işğaldan azad edilmiş ərazilərdəki mehmanxana xidmətlərinə ödənilən məbləğlər.

Tax Free: Əcnəbilərin ölkə ərazisində istehsal və kommersiya məqsədi daşımayan malların alışı zamanı ödədikləri ƏDV.

Daşınmaz əmlak sektoru: Bina tikintisi fəaliyyəti ilə məşğul olan şəxslərdən nağdsız qaydada alınmış yaşayış və qeyri-yaşayış sahələrinə görə ödənilmiş ƏDV-nin müvafiq hissəsi.

Digər ödənişlər: Artıq ödənilmiş digər vergilər, dövlət rüsumları, faizlər və maliyyə sanksiyaları.