10:54 - 18.08.2026

---

18 avqust, Fineko/abc.az. Bu ilin yanvar-iyun aylarında Azərbaycanda informasiya və rabitə sektorunda çalışan işçilərin orta aylıq nominal əməkhaqqı 2 147 manat təşkil edib.

Dövlət Statistika Komitəsinin məlumatına görə, hesabat dövründə orta aylıq əməkhaqqı dövlət sektorunda 1 908 manat, özəl sektorda isə 2 292 manat olub. Ötən ilin eyni dövrü ilə müqayisədə sektorda orta əməkhaqqı 12,7%, o cümlədən dövlət sektorunda 20,5%, özəl sektorda isə 7,4% artıb.

2026-cı il iyulun 1-i vəziyyətinə olan məlumata əsasən, informasiya və rabitə sektorunda muzdla çalışanların sayı illik müqayisədə 0,3% azalaraq 34,2 min nəfər təşkil edib.