10:31 - 27.07.2026

---

27 июля, Fineko/abc.az. Nvidia korporasiyası süni intellekt startapı OpenAI-yə genişmiqyaslı məlumat emalı mərkəzinin yaradılması üçün təxminən $250 milyard həcmində maliyyə ayırmaqla bağlı danışıqlar aparır.

Bu barədə 26 iyul tarixində The Wall Street Journal (WSJ) qəzeti mənbələrə istinadən məlumat yayıb.

Məlumata görə, bu addım OpenAI-yə Yaponiyanın SoftBank korporasiyasının törəmə şirkəti tərəfindən tikilən 10 giqavat gücündə elektrik stansiyasının uzunmüddətli icarəsi üçün kredit cəlb etməyə imkan verəcək. WSJ bildirir ki, layihənin ümumi dəyəri $500 milyardı ötə bilər ki, bu da onu məlumat mərkəzlərinin yaradılması sahəsində ən böyük layihəyə çevirəcək.

Xatırladaq ki, ötən il OpenAI, Oracle və SoftBank şirkətləri ABŞ-da “Stargate” layihəsi çərçivəsində süni intellekt üçün beş yeni məlumat mərkəzinin tikintisini planlaşdırdıqlarını elan ediblər.