15:01 - 4.06.2026

---

4 iyun, Fineko/abc.az. Süni intellekt üçün yarımkeçiricilərə tələbat sənayenin istehsal imkanlarını üstələməyə davam edir və TSMC-nin proqnozuna görə, qabaqcıl çiplərdə qıtlıq növbəti illərdə də davam edəcək.

ABC.AZ xəbər verir ki, Taiwan Semiconductor Manufacturing Company rəhbəri bildirib ki, zavodların genişləndirilməsi belə iri texnologiya şirkətlərinin tələbatını tam qarşılamayacaq. Şirkət Nvidia və AMD daxil olmaqla süni intellekt sistemləri üçün əsas çip tədarükçüsü olaraq qalır.

Süni intellekt infrastrukturuna investisiyalar sürətlə artır və qlobal məlumat mərkəzləri və bulud xidmətlərinə xərclərin ildə 725 milyard dollara çatması gözlənilir. Bu fonda TSMC gəlirinin 30%-dən çox artacağını proqnozlaşdırır, həmçinin kapital xərclərini və işçilərin bonuslarını artırır.