09:53 - 24.09.2025

---

24 sentyabr, Fineko/abc.az. Çərşənbə günü keçirilən ticarətdə neftin etalon markalarının qiymətləri yüksəlir.

Brent markalı neftin noyabr fyuçersləri ICE Futures birjasında saat 09:33-ə olan məlumata görə, $0,08 (0,12%) artaraq bir barel üçün $67,71-a yüksəlib. Sentyabrın 23-də keçirilən hərracların nəticələrinə görə, Brent neftinin noyabr fyuçersləri $1,06 (1,59%) artaraq bir barel üçün $67,63-a çatıb.

NYMEX əmtəə birjasının ticarətində WTI neftinin noyabr fyuçersləri saat 09:33-ə olan məlumata görə, $0,11 (0,17%) artaraq bir barel üçün $63,52-a yüksəlib. Sentyabrın 23 – də aparılan hərracların nəticələrinə görə, WTI neftinin noyabr fyuçersləri $1,13 (1,81%) artaraq bir barel üçün $63,41-a çatıb.