11:44 - 28.07.2025

---

28 iyul, Fineko/abc.az. Avropa Komissiyasının rəhbəri Ursula fon der Leyen Donald Trampla danışıqlardan sonra ABŞ rüsumlarını 30%-dən 15%-ə endirmək üçün Rusiya Federasiyasından neft və qazdan imtina edəcəyinə söz verib.

ABC.AZ xəbər verir ki, danışıqlar çərçivəsində Şotlandiyada üç il ərzində ABŞ-dan 750 milyard dollar dəyərində mayeləşdirilmiş təbii qaz və yanacaq almaq barədə razılıq əldə edilib. Fon der Leyen, hazırda AB-yə hələ də "çox" Rusiya karbohidrogeninin daxil olduğunu və Avropanın 2027-ci ilə qədər Rusiya yanacaqlarından tamamilə imtina etmək istədiyini deyib.

Yanacaqdan başqa, razılaşma avtomobil, yarımkeçirici və əczaçılıq sahələrini də əhatə edir. Bəzi məhsullar üçün (məsələn, təyyarə hissələri üçün) nisbət sıfır olacaq.