11:02 - 24.07.2025

---

24 iyul, Fineko/abc.az. London ICE birjasının məlumatına görə, iyulun 24-də Avropada qazın birja qiymətləri bir qədər artaraq min kubmetr üçün 398 dollara yaxınlaşıb.

ABC.AZ xəbər verir ki, TTF indeksi üzrə avqust fyuçersləri Bakı vaxtı ilə saat 10:00-da 399,2 dollar (+0,6%) səviyyəsində açılmış, 10:09-da isə əvvəlki qiymət olan 396,6 dollara nisbətən 397,7 dollar (+0,3%) səviyyəsində ticarət olunurdu.

 Fevral ayında qiymətlər 630 dollardan çox olub. 2024-cü ildə orta qiymət 386,5 dollar təşkil edib (2023-cü ilə nisbətən 16,3% aşağı). 3892 dollarlıq rekord 2022-ci ilin yazında qeydə alınmışdır.