09:22 - 24.07.2025

---

24 iyul, Fineko/abc.az. Neftin etalon markalarının qiyməti cümə axşamı keçirilən hərracda artır.

Brent markalı neftin sentyabr fyuçersləri ICE Futures birjasında saat 09:20-də $0,28 (0,41%) artaraq bir barel üçün $68,79-a yüksəlib. İyulun 23-də keçirilən hərracların nəticələrinə görə, Brent neftinin sentyabr fyuçersləri $0,08 (0,12%) azalaraq bir barel üçün $68,51-a enib.

Saat 09:20-də NYMEX əmtəə birjasının ticarətində WTI neftinin sentyabr fyuçerslərinin qiyməti $0,32 (0,49%) artaraq bir barel üçün $65,57-a yüksəlib. İyulun 23 – də keçirilən tenderin nəticələrinə görə, WTI neftinin sentyabr fyuçersləri $0,06 (0,09%) ucuzlaşaraq bir barel üçün $65,25-a düşüb.