16:15 - 5.06.2025
5 iyun, Fineko/abc.az. 2025-ci ilin may ayında Çin Meteorologiya İdarəsi Sincan bölgəsində pilotsuz uçuş aparatlarından istifadə etməklə süni yağıntı çağırışı üzrə uğurlu eksperiment keçirib.
ABC.AZ-ın məlumatına görə, iki ədəd X-G500 dronu 5500 metr yüksəkliyə qalxaraq 8000 km²-dən çox ərazi üzərində gümüş iyodidi səpib. Cəmi 1 kiloqram maddə tətbiq olunub və bu, 78 200 m³ yağıntının düşməsinə səbəb olub — bu göstərici son 50 ilin orta səviyyəsindən 3,8% çoxdur.
Metodun effektivliyi peyk müşahidələri, monitorinq və superkompüterdə aparılan modelləşdirmə ilə təsdiqlənib. Modelləşdirmə 73 800 m³ (4,3%) əlavə yağıntını göstərib. Qərb ölkələrində bu cür eksperimentlər qanunla qadağan olunsa da, Çin iqlimə təsir texnologiyalarını fəal şəkildə inkişaf etdirir. Alimlər bildirirlər ki, bu üsul bütün hava şəraitində təsirli olmaya bilər.
