15:38 - 24.01.2025

---

24 yanvar, Fineko/abc.az. 2024-cü ilin yanvar-dekabr aylarında Azərbaycana 1 milyard 566 milyon 604 min dollar dəyərində 82 min 434 ədəd minik avtomobil idxal olunub.

ABC.AZ Dövlət Gömrük Komitəsinin hesabatına istinadən xəbər verir ki, 2023-cü ilin eyni dövrü ilə müqayisədə minik avtomobillərin idxalı dəyər ifadəsi ilə 51 milyon 287 min dollar və ya 3,4% artıb, miqdar ifadəsi ilə isə 5 min 717 ədəd və ya 6,5% azalıb.

Ötən ilin eyni dövründə xaricdən 1 milyard 515 milyon 317 min dollar dəyərində 88 min 151 ədəd minik avtomobili gətirilmişdi.

1 ədəd minik avtomobilinin orta idxal qiyməti 2024-cü ilin 12 ayının nəticələrinə görə orta hesabla 19 min 4 dollar (32 min 307 manat) olub ki, bu da son  bir ildə 1 814 dollar (3 min 84 manat) və ya 10,6% bahalaşma deməkdir.

2023-cü ilin yanvar-dekabr aylarında isə 1 ədəd minik avtomobilinin orta idxal qiyməti 17 min 190 dollar (29 min 233 manat) olub.