15:02 - 18.10.2024

---

18 oktyabr, Fineko/abc.az. Azərbaycanda hava nəqliyyatı ilə sərnişin daşıma xidmətləri 2024-cü ilin sentyabr ayında 2024-cü ilin avqust ayına nisbətən 6.9% ucuzlaşıb.

ABC.AZ Dövlət Statistika Komitəsinə istinadən xəbər verir ki, bu ilin sentyabr ayında hava nəqliyyatı ilə sərnişin daşınması xidmətləri illik müqayisədə 4.7%, yanvar-sentyabr ayında isə 13% ucuzlaşıb.

Qeyd edək ki, hava nəqliyyatı ilə 3028.3 min və ya 39.5 faiz çox sərnişin daşınmış, daşımaların 99.9 faizi dövlət, 0.1 faizi isə özəl müəssisələrə məxsus nəqliyyat vasitələri ilə həyata keçirilib.