10:22 - 26.08.2024
26 avqust, Fineko/abc.az. Nvıdıa səhmləri bu həftə diqqət mərkəzindədir. Süni intellekt lideri 28 avqust çərşənbə günü gözlənilən rüblük qazanc hesabatını dərc etməyə hazırlaşır.
ABC.AZ xəbər verir ki, 23 avqust cümə günü şirkətin səhmləri 4.6% artaraq 129.37 dollar səviyyəsində bağlandı. Ümumilikdə, ötən həftə Amerika bazarı müsbət xətlə başa çatdı. Mərkəzi hadisə FED sədri Jerom Pauellin faiz dərəcələrinin azalmasının qaçılmaz olduğuna dair çıxışı idi. Bu, xüsusilə avqustun əvvəlində satış fonunda Uoll Strit üçün vacibdir. O vaxtdan əsas indekslər bərpa edildi. Düzdür, hazırda Amerikanın S&P indeksinin fyuçersləri 0,04% azalaraq 5646,5 bənd təşkil edir.
Asiyada da mənfi dinamika qeyd olunur. Belə ki, Yaponiyanın Nikkei 225 indeksi 0,99%, Çin Shanghai Composite İndeksi 0,28%, Koreyanın KOSPİ isə 0,39% azalır.
Neft ucuzlaşır: Brent fyuçersləri 0,16% - barel başına 79,49 dollara düşür. Tənəzzülə baxmayaraq, analitiklər qiymətlərin hələ də arta biləcəyini xəbərdar edirlər, çünki Yaxın Şərqdəki münaqişə daha da genişlənməkdədir.
Forex-də EUR/USD məzənnəsi 0,05% azalaraq 1,118 təşkil edir.
