11:16 - 14.08.2024

---

14 avqust, Fineko/abc.az. Cari il iyulun sonuna qeydiyyatda olan kommersiya qurumlarının sayı 183 528 vahid təşkil edib və illik müqayisədə 8,1 % artım qeyd alınıb.

ABC.AZ  İqtisadiyyat Nazirliyi yanında Dövlət Vergi Xidmətinə istinadla xəbər verir ki, yeddi ayda ölkədə 7 426 kommersiya qurumu dövlət qeydiyyatından keçib ki, onların 6 616-sı (89,1 %) yerli investisiyalı, 810-u (10,9 %) xarici investisiyalı müəssisələrdir.

Dövlət qeydiyyatından keçmiş kommersiya qurumlarının 5 985-i (80,6 %-i) elektron qaydada, onların isə 4 832-si "Asan İmza" ilə, 1 140-ı yeni üsulla (finkod+mobil nömrə), 13-ü “SİMA” rəqəmsal imzası vasitəsilə edilmiş müraciətlər əsasında qeydə alınıb.