10:59 - 23.04.2024

---

23 aprel, Fineko/abc.az. Bu həftə Pekində böyük bir avtomobil sərgisi işə başlayacaq və Xiaomi rəhbərliyi investorlar üçün öz tədbiri ilə bağlı məlumat axınını qabaqlamağa çalışıb. 

ABC.AZ xəbər verir ki, şirkətin rəhbəri Lei Jun bu il bazara 100.000 SU7 elektromobil gətirəcəyinə söz verib.

Keçən şənbə gününə qədər Xiaomi artıq ilk elektromobilini almaq üçün 70.000-dən çox təsdiqlənmiş sifarişə sahib idi. Şirkət rəhbərinin sözlərinə görə, müştərilərin marka məhsullarına yüksək dərəcədə inamı sifariş həcminin yüksək artım tempinə kömək edir. Xatırladaq ki, Xiaomi SU7 üçün sifarişlər mart ayının sonunda qəbul olunmağa başladı və ilk 27 dəqiqədə təxminən 50.000 ədəd yığıldı.