12:40 - 4.04.2024
4 aprel, Fineko/abc.az. İngiltərədə “super kartof” yaradacaqlar. Alimlər kartofun bişirmə müddətini qısaltmaq və ideal istehlakçı keyfiyyətlərinə nail olmaq üçün DNT-sini redaktə edəcəklər. Bunun üçün hüceyrələrin yumşalma sürətindən məsul olan genlərdə dəyişikliklər edilməlidir.
ABC.AZ xəbər verir ki, beləliklə, elm adamları bişirmə vaxtı düyü və makaronla rəqabəti itirən kartof istehlakının azalması ilə mübarizə aparmaq niyyətindədirlər.
Təcrübə üçün cips, qızartma və digər məqsədlər üçün uyğun olan universal “Maris Piper” növü seçilib. Genlər, müəyyən bir yerdə iki DNT telini kəsərək "molekulyar qayçı" prinsipi ilə işləyən məşhur CRISPR texnologiyası ilə redaktə ediləcək.
