11:43 - 14.02.2024

---

14 fevral, Fineko/abc.az. Azərbaycanda minik avtomobillərinin idxalında artım dinamikası son illərdə yüksək templə davam edir.

ABC.AZ Dövlət Statistika Komitəsinə istinadən xəbər verir ki, 2000-ci ildən 2009-cu ilədək xaricdən gətirilən avtomobillərin sayında artım qeydə alınıb. 2009-cu ildə 2008-ci ilə nisbətən 18% azalma baş versə də,_2011-ci ildən 2013-cü ilədək artım tendensiyası davam edib. 2014-cü ildən 2017-ci ilədək idxalda yenə kəskin azalmalar baş verib. Bununla yanaşı Statistika Kom9itəsi tərəfindən 2013-cü ildən 2016-cı ilədək idxal olunan olunan maşınlara çəkilən xərclərin dəyəri açıqlanmayıb. Son illərdə də isə idxal olunan avtomobillərin sayında və o cümlədən avtomobilərə çəkilən xərclərdə artım müşahidə edilməkdədir.

Təkcə 2023-cü ildə Azərbaycana 1 milyard 515 milyon 316 min dollar dəyərində 88 min 151 ədəd minik avtomobilləri idxal olunub.

2022-ci iln eyni dövrü ilə müqayisədə minik avtomobilləri dəyər ifadəsi ilə 670 milyon 675 min dollar və ya 79,4%, miqdar ifadəsi ilə 20 min 167 ədəd və ya 29,4% artıb.