12:31 - 2.02.2024

---

2 fevral, Fineko/abc.az. İşğaldan azad edilən ərazilərdə istənilən sahə üzrə fəaliyyət göstərən sahibkar “İşğaldan azad olunan ərazilərdə fəaliyyət göstərən sahibkarlara dəstək” mexanizminin təqdim etdiyi güzəştlərdən yararlana bilərlər.

ABC.AZ xəbər verir ki, bu barədə Sahibkarlığın İnkişafı Fondunun İdarə Heyətinin sədri Osman Xaliyev məlumat verib.

Qeyd edib ki, mexanizm İqtisadiyyat Nazirliyinin Sahibkarlığın İnkişafı Fondu tərəfindən bu ərazilərdə iqtisadi aktivliyin bərpa olunması, investisiya qoyuluşlarının sürətlənməsinə dəstək məqsədilə həyata keçirilir və həmin ərazilərdə qeyri-neft sektoru üzrə qanunla qadağan olunmayan bütün iqtisadi sahələrdə fəaliyyət göstərən sahibkarlar üçün nəzərdə tutulub.