16:03 - 17.01.2024

---

17 yanvar, Fineko/abc.az. Xəbər verdiyimiz kimi, Dövlət Statistika Komitəsi ötən ilin bəzi göstəriciləri üzrə hesabat tipli məlumatları açıqlayıb.

ABC.AZ sözügedən hesabata istinadən xəbər verir ki, 2023-cü ildə Azərbaycanda 2 min 614 kq qızıl hasil edilib ki, bu da 2022-ci ilin göstəricisindən 17,7% azdır.

Hesabat dövründə 3 min 762,2 kq gümüş (azalma 50,5%) hasil edilib.

Dekabrda 106,1 kq qızıl (noyabrda 376,7 kq) və 91,1 kq gümüş (noyabrda 372 kq) hasil edilib.

Hasil edilən qızıl və gümüş emala göndərilib.

1 yanvar 2024-cü il tarixinə istehsalçı şirkətlərin anbarlarında qızıl ehtiyatının həcmi 321,2 kq, gümüş ehtiyatının həcmi 121 kq təşkil edir.