Yanvar-noyabr aylarında Rusiya banklarının mənfəəti 3,2 trilyon rubl təşkil edib

11:02 - 22.12.2023

22 dekabr, Fineko/abc.az. Rusiyanın bank sektorunun noyabr ayında xalis mənfəəti 268 milyard rubl təşkil edib ki, bu da ümumilikdə oktyabr ayının 256 milyard rubl nəticəsinə uyğundur.

ABC.AZ xəbər verir ki, bu barədə Mərkəzi Bankın bank sektorunun inkişaf dinamikası ilə bağlı icmalında deyilir.

Ehtiyatlardan əvvəl əsas mənfəət oktyabr səviyyəsində qalıb (təxminən 387 milyard rubl), ehtiyatlar isə 145 milyard rubla yüksəlib (oktyabr ayında 113 milyard rubl).