17:30 - 2.10.2023

---

2 oktyabr, Fineko/abc.az. Ermənistanda həm iqtisadi, həm də siyasi qarışıqlıq yaranıb.

ABC.AZ xarici mətbuata istinadən xəbər verir ki, bunu Ermənistan parlamentinin “Hayastan” fraksiyasının üzvü Artur Xaçatryan “Aysor”a müsahibəsində deyib. O qeyd edib ki, ölkədə defolt gözlənilir və Ermənistanın gələcəyi məlum deyil”.

Onun sözlərinə görə, ölkədə dramın devalvasiyası müşahidə olunur: “ABŞ dollarının satış qiyməti təxminən 420 dram, avronun satış qiyməti isə 445-ə çatıb. Dramın devalvasiyasının daxili və xarici səbəbləri var”.

Deputat bildirib ki, Ermənistanın sabahı qeyri-müəyyəndir: “Rusiyadan dollar köçürmələri də azalıb. Defolt riski getdikcə artır. Hakimiyyət bu vəziyyətdən çıxmaq istəmir”.