10:07 - 18.08.2023

---

18 avqust, Fineko/abc.az. Cari ilin yeddi ayında əhaliyə göstərilən ödənişli xidmətlərin dəyəri ötən ilin müvafiq dövrü ilə müqayisədə real ifadədə 15,2 faiz artaraq 6 milyard 242,6 milyon manat olub.

ABC.AZ Dövlət Statistika Komitəsinə istinadla xəbər verir ki, hüquqi şəxslər tərəfindən əhaliyə 4 milyard 682,6 milyon manatlıq xidmət göstərilib. Bu, xidmətlərin ümumi dəyərinin 75 faizini təşkil edib.

Yanvar-iyul aylarında hər bir ölkə sakini orta hesabla 615,5 manatlıq və ya ötən ilin müvafiq dövrü ilə müqayisədə nominal ifadədə 127,0 manat çox müxtəlif ödənişli xidmətlərdən istifadə edib.