15:38 - 10.08.2023

---

10 avqust, Fineko/abc.az. Cari ilin yeddi ayında Azərbaycanda istehlak qiymətləri indeksi ötən ilin yanvar-iyun aylarına nisbətən 112,2 % təşkil edib. Halbuki, yanvar-iyun aylarının yekununda illik inflyasiya 12,7% olmuşdu.

ABC.AZ Dövlət Statistika Komitəsinə istinadla xəbər verir ki,istehlak qiymətləri indeksi ərzaq məhsulları, içkilər və tütün məmulatları üzrə 114,3 %, qeyri-ərzaq məhsulları üzrə 111 %, əhaliyə göstərilmiş ödənişli xidmətlər üzrə 110,4 % təşkil edib.

Ötən ay isə istehlak qiymətləri indeksi əvvəlki ayla müqayisədə 99,3 %, ötən ilin iyun ayına nisbətən isə 109,4 % olub.
İyulda ərzaq məhsulları, içkilər və tütün məmulatları üzrə istehlak qiymətləri indeksi iyunla müqayisədə 98,5 %, ötən ilin iyul ayına nisbətən isə 109,7 % təşkil edib.

Ötən ay qeyri-ərzaq məhsulları üzrə istehlak qiymətləri indeksi əvvəlki ayla müqayisədə 100 %, ötən ilin iyul ayına nisbətən 108,8 % olub.
İyulda əhaliyə göstərilmiş ödənişli xidmətlər üzrə istehlak qiymətləri indeksi iyunla müqayisədə 100,1 %, ötən ilin iyun ayına nisbətən 109,6 % təşkil edib.