15:28 - 10.07.2023

---

10 iyul, Fineko/abc.az. Hindistan dünyanın ikinci ölkəsi olmaq potensialına malikdir, çünki 2075-ci ilə qədər onun iqtisadiyyatı ABŞ-ı keçəcək.

ABC.AZ-ın məlumatına görə, bu barədə “Goldman Sachs”ın analitikləri bildiriblər.

Analitiklərin hesablamasına görə, Hindistan iqtisadiyyatının əsas artım hərəkətvericiləri artan əhali, ölkənin innovasiya və texnologiya sahəsindəki tərəqqisi, kapital qoyuluşunun artması və əmək məhsuldarlığının artması olacaqdır. “Növbəti iyirmi il ərzində Hindistanın asılılıq nisbəti ən aşağı göstəricilərdən biri olacaq”, – deyə “Goldman Sachs Research”in Hindistan bölgəsi üzrə analitiki Santanu Sengupta söyləyib.

Hindistan hazırda Almaniya, Yaponiya, Çin və ABŞ-dan sonra dünyanın beşinci ən böyük iqtisadiyyatıdır. “CNBC” qeyd edir ki, 2075-ci ilə qədər dünyanın ən böyük iqtisadiyyatı Çin olacaq.